BARAZA LA MADIWANI LAFANYA MKUTANO ROBO YA NNE APRILI-JUNI 2023/;2024

Posted on: September 3rd, 2024

Na: Sweetbetter Njige

       TMC Habari.

Leo Septemba 3, 2024 Mstahiki Meya wa Halmashauri ya manispaa ya Temeke Mhe.Abdallah Mtinika ameongoza mkutano wa kawaida wa Baraza la Madiwani kwa robo ya nne yaani Aprili -Juni kwa mwaka wa fedha 2023/ 2024 liliongazia mambo kadhaa ikiwemo kupokea na kujadili taarifa za utekelezaji kutoka kata, taarifa za mihtasari ya mikutano ya halmashauri na vikao vya kamati za kudumu, pamoja na Uchaguzi wa Naibu Meya kwa mwaka wa fedha 2024/2025 na kuteua wajumbe wa kamati za kudumu.

Katika Uchaguzi huo Mhe. Arnold Peter ambaye pia ni Diwani wa kata ya Kurasini alishinda kwa kupata kura zote za Ndio na kutangazwa Rasmi kuwa ndiye Naibu Meya kwa Mwaka wa fedha 2024/2025.

Mara baada ya Uchaguzi huo palifanyika Uchaguzi wa Wenyeviti wa Kamati za kudumu za Baraza la Madiwani ikiwemo Kamati ya Huduma za jamii, kamati ya Maadili, Kamati ya Mipango miji, Kamati ya Ukimwi, Alat Mkoa, Bodi ya Ajira, na Bodi ya Vileo.

Vilevile Waheshimiwa Madiwani walipata wasaa wa kushiriki katika kipindi cha Maswali na majibu na miongoni mwa maswali waliyouliza ni pamoja na uboreshaji wa miundombinu mbinu ya Elimu na Barabara katika Manispaa hii.