Miongozo Mbalimbali

uhamisho.pdf

MWONGONGOZO WA USAJILI WA VIKUNDI VYA KIJAMII VYAHUDUMA NDOGO ZA FEDHA CMG NAMNA YA KUSAJILI VIKUNDI VYA KIJAMII VYA HUDUMA NDOGO ZA FEDHA

Ili kusajili kikundi zipo hatua mbalimbali zakufuata kama ifuatavyo:-

HATUA YA KWANZA 

Tumia tovuti: https//cmg.bot.go.tz/cmg-portal 

HATUA YA PILI 

Bofya neno sajili ili kuingiza taarifa za kikundi kisha bofya tena neno sajili lililopo chini upande wa kulia wa fomu ya taarifa.

HATUA YA TATU 

Angalia ujumbe uliotumwa kwenye barua pepe (Email) uliyosajilia kisha bofya neno Huisha akaunti.

HATUA YA NNE

Baada ya kubofya neno huisha sasa unaweza kuweka barua pepe (Email) na nywila (password) ili kuingia kwenye akaunti ya kusajilia kikundi.

HATUA YA TANO

Ingiza taarifa za viongozi (wasifu wa viongozi CV).

HATUA YA SITA

Ingiza taarifa ya wanachama NB: lazima kila mwanachama ajulikane aina ya kitambulisho anachotumia.

HATUA YA SABA           

Weka viambatisho vyote ambavyo ni;-Fomu ya Maombi, Katiba ya kikundi iliyosainiwa na wanakikundi, azimio la wanachama, Muundo wa kikundi, Mihutasari miwili (awali na uanzishwaji wa kikundi), Barua ya utambulisho kutoka ofisi ya serikali ya mtaa/ Kata, Majina ya wanakikundi, Majina ya viongozi na Uthibitisho wa malipo ya ada ya wanakikundi.  NB: viambatisho vyote lazima viwe kwa mtindo wa (pdf).

HATUA YA NANE

Hakiki maombi.

HATUA YA TISA 

Tuma na wasilisha maombi baada ya hapo mtuma maombi utatakiwa kusubiri taarifa kutoka ofisi ya msajili,

NB: 1. Maombi yanaweza kupokelewa na kukubalika kulingana na usahihi wa taarifa hivyo utapewa taarifa ya kuchukua cheti sehemu utakayoelekezwa.

        2. Maombi yanaweza kupokelewa na kurudishwa ili kuhariri taarifa kama taarifa hazipo sahihi.

HATUA YA KUMI

Msajili atapokea maombi kasha kuhakiki taarifa baada ya hapo atazituma kwa mkuu wa idara wa maendeleo ya jamii (MCDO).

HATUA YA KUMI NA MOJA

MCDO atapokea maombi ya usajili kutoka kwa Msajili ambayo yana maelezo kuhusu kikundi kutoka kwa msajili yahusuyo usahihi wa taarifa, kama taarifa zipo sahihi atathibitisha na kutuma kwa Mkurugenzi (MD).

HATUA YA KUMI NA MBILI

Mkurugenzi atapokea Maombi ya kikundi yenye maelezo ya usahihi wa kikundi kutoka kwa MCDO kisha ataidhinisha kusajiliwa kwa kikundi na cheti kutolewa na msajili.

HATUA YA KUMI NA TATU

Msajili atatoa cheti na kisha kutoa taarifa kwa wanakikundi kwa ajili yakupata hati yao ya usajili na namna watakavyoipata.