RC CHALAMILA AKABIDHI HUNDI YA BILIONI 7.5 MIKOPO YA ASILIMIA KUMI KUNDI LA WANAWAKE, VIJANA NA WATU WENYE ULEMAVU TEMEKE.

Posted on: January 27th, 2026

Na: Simon Joshua, TMC Habari

Mkuu wa Mkoa wa Dar es Salaam Mhe. Albert Chalamila leo Januari 27, 2026 amekabidhi Hundi ya thamani ya Shilingi Bilioni 7.5 (7,517,146,645) ikiwa ni fedha ya mikopo inayotokana na 10% ya Mapato ya ndani ya Manispaa inayokwenda kutolewa kwa kundi la Wanawake, Vijana na Watu wenye ulemavu.

RC Chalamila amewataka Wanufaika wa Mikopo hiyo kuhakikisha wanaitumia vizuri kama nyenzo bora ya kujikwamua kiuchumi ili iwanufaishe katika Maisha yao na kuwawezesha kurudisha Mikopo hiyo kwa wakati.

"Mkaendelee kujipanga vizuri kwenye Mikopo hii ili mkawe Matajiri wazuri, pia hakikisheni Mikopo hii inarudishwa", alisema RC Chalamila.

Asilimia 4 ya Wanawake wamepata Bilioni 3, Asilimia 2 vya walemavu wamepata Bilioni 1.5, huku Asilimia 4 vya Vijana nayo ikipatiwa Bilioni 3.

Aidha, Mhe. Chalamila amewahimiza Wananchi kuendelea kudumisha Amani na utulivu wa nchi ili kutengeneza mustakabali mzuri wa Taifa akimtaka Mkuu wa Wilaya ya Temeke Mhe. Sixtus Mapunda kuhakikisha anashugulikia Migogoro mbalimbali ya Wananchi ikiwemo Migogoro ya Ardhi, Ndoa na Mirathi ili Wananchi waendele kuishi kwa amani, upendo na utulivu.