CHAMANZI WACHANGIA DAMU KATIKA SIKU YA KUMBUKUMBU YA KIFO CHA MWALIMU NYERERE

Posted on: October 14th, 2025

WAKAZI WA CHAMAZI WAMUENZI BABA WA TAIFA KWA KUCHANGIA DAMU NA KUKUMBUSHANA KUJITOKEZA KUPIGA KURA IFIKAPO OKTOBA 29.

Leo Oktoba 14, 2025 ikiwa ni Kumbukizi ya Miaka 26 ya Kifo cha Hayati Baba wa Taifa Mwl. Julius Kambarage Nyerere Wakazi wa Temeke hususani Jimbo la Chamazi wametumia siku hii kushiriki katika Michezo mbalimbali pamoja na Zoezi la Uchangiaji damu ikiwa ni sehemu ya kukumbushana kuendelea kuenzi na kuthamini Mchango wa Baba wa Taifa kwa Vitendo pamoja na Kushiriki Uchaguzi Mkuu wa Rais, Wabunge na Madiwani ifikapo Oktoba 29, 2025.

Katika Shughuli hiyo Msimamizi Msaidizi wa Uchaguzi Manispaa ya Temeke Ndg. Yahya Madenge ametumia wakati huo kuwaasa Vijana na Watanzania wote kujitokeza kwa wingi ifikapo Oktoba 29, 2025 Siku ya Uchaguzi Mkuu kupiga Kura na kuzingatia Taratibu, Kanuni na Sheria za Jamhuri ya Muungano wa Tanzania ikiwemo kujiepusha na matendo ya kuchochea vurugu na kuharibu amani ya Nchi yetu.

"Huu ni Uchaguzi wa Amani na tunategemea kila aliyejiandikisha katika kupiga Kura atajitokeza kwa ajili ya kwenda kupiga Kura" alisema Ndg. Madenge

Aidha Mwakilishi wa Tume huru ya Uchaguzi Bi. Mbiliasia Mosha ambaye pia ni Mhadhiri wa Chuo cha kumbukumbu ya Mwl. Nyerere Kigamboni ametoa elimu ya Mpiga Kura ikiwemo Muda wa kufungua na kufunga Vituo vya Kupiga Kura, mambo ya kufanya wanapofika katika Kituo cha kupiga Kura lakini pia kuhakiki Majina yao katika Vituo walivyojiandikisha siku 8 kabla ya kupiga kura ili waweze kutambua vituo vyao na kujua majina yao yalipo.

Tukio hilo limefanyika katika Ofisi ya Kata Chamazi Manispaa ya Temeke likitanguliwa na Mbio za Pole (Jogging) Alfajiri ya leo