DC MAPUNDA KATA KWA KATA KUTATUA KERO ZA WANANCHI

Posted on: March 21st, 2024

Na: Shamsi Dady -TMC Habari

Mkuu wa wilaya ya Temeke Mhe.Sixtus Mapunda leo Machi 21, 2024 amefanya ziara katika kata za Kurasini na Toangoma lengo likiwa ni utatuzi wa changamoto na adha mbalimbali zinazowapata wakazi wa kata hizo.

Akizungumza katika mkutano wa hadhara mara baada ya kupokea malalamiko juu ya mwekezaji aliyeziba barabara, Mhe. Mapunda amesema

"nimejiridhisha na kubaini kuzuiwa kwa barabara, barabara hii ipo chini ya TARURA, na TARURA imekubali mwekezaji kuifunga kwa muda kipindi kiwanda kinajengwa na baada ya hapo kitaifungulia, lakini katika ile barua nimeisikiliza na nimeisoma inasema kwamba lazima kuwe na barabara mbadala zinazowezesha wanachi wa eneo hili kuitumia kipindi chote cha ujenzi".

Katika hatua nyingine Mhe. Mapunda ametembelea kata ya toangoma na kubaini migogoro mbalimbali ikiwemo watu kujenga maeneo yasiyo ya kwao.

"Nimejiridhisha kwa ramani ambayo ilipimwa na wizara tangu mwaka 2005 hivyo basi mukubaliane kwa utu ndani ya siku 30, kwa mtu ambaye amejenga eneo silo la kwake basi ahame". Alisema Mhe.Sixtus Mapunda.

Ikumbukwe kuwa huu ni mwendelezo wa ziara za Mheshimiwa mkuu wa wilaya ikiwa ni moja ya malengo yake katika kuhakikisha wananchi wanapata haki yao ya msingi ya kusikilizwa pamoja na kudumisha amani na usalama katika maeneo yao.