HONGERENI WALIMU KAZI KUBWA MMEIFANYA

Posted on: June 2nd, 2025

Na: Sweetbetter Njige, TMC Habari

Kaimu Mkurugenzi Manispaa ya Temeke Bi. Delphina Wambura Aprili 30, 2025 ameongoza Hafla ya Pongezi kwa Walimu wa Shule za Msingi na Sekondari (za Umma na Binafsi) zilizopo ndani ya Manispaa hii kwa upande wa Kanda (cluster) ya Chamazi.

Akizungumza katika hafla hiyo iliyofanyika katika Viwanja vya Sabasaba Bi. Wambura amewapongeza Walimu kwa kutoa Vyeti vya pongezi na Zawadi mbalimbali ikiwa ni ishara ya kutambua kazi kubwa wanayofanya kitaaluma na katika malezi. Alisema

“Tunawapongeza Walimu kwa kazi kubwa mnayoifanya kwa Manispaa na Watoto wetu, ninyi mmewezesha Shule zetu kufanya vizuri katika Mitihani mbalimbali ya Taifa na Kiwilaya. Mnasaidia kuhimiza watoto wetu kuhudhuria masomo, kupunguza utoro na kuongeza nidhamu shuleni mmekua na kipaumbele cha juu sana kuhakikisha Wanafunzi wanakuwa bora na kumsaidia mheshimiwa Rais kutekeleza Sera ya elimu”

Kwa upande wake Afisa elimu Awali na Msingi Wilaya ya Temeke Ndg. Mshana Kawia amesema

“Namshukuru Mkurugenzi wetu kwa kuendelea kuunga mkono jitihada za Walimu hawa wanaofanya kazi kubwa kila siku kuhakikisha tunakuwa imara kwa upande wa elimu, tunamshukuru kwa kuona ni vyema kuwapongeza walimu hawa kwa kuwatambua na kuwapongeza kwa kazi ngumu wanayoifanya, hii inakwenda kuongeza chachu na ufanisi kazini”

Hafla hiyo imehudhuriwa na Maafisa elimu kata, Wakuu wa Shule za Msingi na Sekondari, Walimu, Mdhibiti Ubora manispaa ya Temeke na kadhalika.