KAMATI YA LISHE TEMEKE YAJADILI TAARIFA YA UTEKELEZAJI

Posted on: August 21st, 2025

Kamati ya Lishe Wilaya ya Temeke inayoundwa na Wajumbe kutoka Vitengo na Idara mbalimbali pamoja na Wadau muhimu leo Agosti 21, 2025 imeketi Kikao chake cha kawaida kujadili Taarifa ya utekelezaji wa Mkataba wa Lishe kwa Kipindi cha Robo ya Nne ya Mwaka wa fedha 2024/2025.

Kikao hicho kimepitia Malengo yaliyowekwa juu ya utekelezaji wa mkataba wa lishe na kuona mafanikio yaliyofikiwa pamoja na kufahamu changamoto mbalimbali katika utekelezaji wake, kuzitafutia namna sahihi ya kuzitatua hatimaye kufikia Malengo  kwa Asilimia 100.

Kamati imeridhishwa na utekelezaji wa malengo kupitia Idara na Vitengo husika, na kuweka Mikakati bora zaidi ya Utendaji ili kuhakikisha hali ya lishe inazidi kuimarika Wilayani Temeke.