KATIBU TAWALA MKOA WA TANGA ATEMBELEA BANDA LA TEMEKE MAONESHO YA NANENANE

Posted on: August 1st, 2025

katibu Tawala Mkoa wa Tanga Ndg. Rashid Kassim Mchatta ikiwa ni Siku ya Kwanza kuanza kwa Maonesho ya Wakulima na Wafugaji almaarufu kama Nanenane leo Agosti  Mosi, 2025 ametembelea  Banda la Manispaa ya Temeke.

RAS Mchatta amesifu jinsi Halmashauri ya Manispaa ya Temeke ilivyojipanga na kujidhatiti katika kuonesha dhana za kisasa za kilimo na teknolojia mbalimbali zinazohusu Kilimo bora, Ufugaji na Uvuvi.

RAS  Mchatta ameipa sifa Manispaa ya Temeke kwa kuweka wigo imara katika bwawa la kufugia samaki kwani inasaidia usalama wa wanaotembelea bwawa hilo pamoja na samaki wenyewe.

Aidha RAS Mchatta ametembelea banda lenye Kuku wa kisasa wa mayai ambapo Mfugaji kutoka Halmashauri ya Manispaa ya Temeke Bi. Christina Chusi amepongezwa kwa Ufugaji wenye tija  kwakuwa anatumia eneo dogo lakini anafuga kuku wengi takribani elfu mbili,

Kadhalika RAS Mchatta amepata fursa ya kujifunza na kuuliza maswali yenye udadisi na kuonesha kuvutiwa na ufugaji huo hivyo akapatiwa kitabu cha jinsi kufuga kuku wa mayai kilichoandaliwa na Bi. Christina Chusi kama zawadi ili kuweza kujifunza kwa undani zaidi.