Kikao kazi cha Wenyeviti wa Mitaa Manispaa ya Temeke

Posted on: December 23rd, 2019

WENYEVITI WAPYA MITAA 142 MANISPAA YA TEMEKE WATAKIWA KUZINGATIA KANUNI, TARATIBU NA SHERIA ZA KAZI.

Hayo yamebainishwa leo katika kikao kazi cha Wenyeviti wa Mitaa wapya wapatao 142 wa Manispaa ya Temeke, kikao ambacho kilifanyika katika Ukumbi wa Mikutano wa Manispaa hiyo Jijini Dar es Salaam.

Kikao kazi hicho kilihudhuriwa na Kamati ya Ulinzi na Usalama, Mwakilishi toka Takukuru, Mwezeshaji toka OR –TAMISEMI , Katibu Tawala wa Wilaya ya Temeke, Kaimu Mkurugenzi wa Manispaa Ndg Deogratius Lukomanya na Wenyeviti wa Mitaa yote inayounda Wilaya ya Temeke.

Akifungua kikao kazi hicho Mkuu wa Wilaya ya Temeke Mhe Felix Lyaniva amewataka wenyeviti wote walioaminiwa na wananchi wa Wilaya ya Temeke na kupewa ridhaa ya Kuongoza Mtaa wahakikishe wanatenda kazi kwa kuzingatia uwajibikaji, Uadilifu,Kuwa kiunganishi kwa wananchi, Utatuzi wa kero za Wananchi na kusimamia ipasavyo suala la Ulinzi na Usalama katika Mitaa yao.

“Akasisitiza kuwa Mwenyekiti wa Mtaa ndiye msemaji mkuu katika mtaa wake endapo majanga yoyote au maafa yametokea yeye ndiye mtoa taarifa hiyo natarajia kupata taarifa kutoka kwa Mwenyekiti hata nikipata taarifa hiyo toka kwa Mwananchi wa kawaida lazima nitampigia mwenyekiti wa Mtaa huo kupata uhakika wa jambo hilo” Alisema Mhe Lyaniva

Pia amewataka Wenyeviti katika mitaa yote kutokujihusiasha na mauziano ya viwanja au kitu kingine chochote kinacho fanana na hicho wafanye kazi za utawala na zile kazi za kiutendaji wawaachie watendaji wa Mitaa hii itasadia kupunguza migogoro isiyo ya lazima katika mitaa yetu.

Kwa upande wa TAKUKURU mwakilishi Bi Leticia amewaasa Wenyeviti hao kuzingatia takwa la kisheria linalohimiza utoaji taarifa za Rushwa TAKUKURU na kamwe wakiwa Wenyeviti wa Mitaa wasijihusishe katika kutenda Uovu wa aina yoyote, Uongozi wao usiwe sehemu ya kutoa au kupokea rushwa pia usiwe sehemu ya kujilimbikizia mali.

Mkurugenzi Msaidizi wa Sheria kutoka OR-TAMISEMI Ndg Eustard A. Ngatale aktioa mafunzo kwa wenyeviti katika ukumbi wa mikutano Manispaa ya Temeke

Baada ya hapo mafunzo yalianza rasmi yakiendeshwa na Mwenzeshaji Ndg Eustard Athanace Ngatale Mkurugenzi msaidizi wa Sheria OR-TAMISEMI ambaye alianza kutoa semina ya mfumo wa uendeshaji wa Serikali za mitaa ambao umegawanyika katika makundi mawili kundi la watawala na watendaji hivyo kwa nafasi ya Mwenekiti yeye ni mtawala katika Mtaa wake.

Aidha aliwapa mafunzo ya  kanuni ,taratibu na Sheria za kazi katika Mitaa yao lakini pia mipaka ya nafasi zao kiutendaji na kubainisha majukumu yao katika kuwaletea Wananchi maendeleo katika ngazi za Mitaa.

Kwa ujumla Semina Kazi hiyo imeandaliwa na Manispaa ya Temeke Chini ya Uongozi wa Mkurugenzi Ndg Lusubilo Mwakabibi lengo hasa likiwa ni kuwapa uelewa wa majukumu yao ya kazi za kila siku Wenyeviti wa Mitaa ili waweze kuendana na kasi ya Mhe Rais wetu Mpendwa Dkt John Pombe Magufuli ya Kuwaletea wananchi Maendeleo hasa Wananchi wa hali ya chini yaani wanyonge.

Baadhi ya Wenyeviti wa Mitaa wakifuatilia kwa makini wakati wa mafunzo yaliyoandaliwa na Halmashauri ya Manispaa ya Temeke katika ukumbi wa Manispaa hiyo.