KILIO CHA KIVUKO KATA YA MIANZINI CHAFIKA MWISH0

Posted on: March 25th, 2023

Leo Machi 25,2023 mkuu wa wilaya ya Temeke Mheshimiwa Mwanahamisi Munkunda amezindua rasmi ujenzi wa kivuko cha waenda kwa miguu kinachounganisha kata ya Mianzini na Toangoma .Hafla ya uzinduzi huo imefanyika katika mtaa wa Mponda,kitongoji cha Unyago wa Bure.

Akizungumza wakati wa uzinduzi huo Mhe. Mwanahamisi aliwataka wasimamizi wa mradi huo utakaotekelezwa kwa 'force account' kuhakikisha wanajali maslahi ya mradi kwa maendeleo ya Wananchi, na kusisitiza suala la ulinzi na kujituma ili mradi ukamilike kwa wakati. Alisema

"Mradi huu unajibu kero za Wananchi za muda mrefu, mradi huu tutaujenga usiku na mchana ili kufikia mwezi wa tano uwe umekamilika,vitaletwa vifaa vya thamani hapa, tushirikiane katika ulinzi, tukisikia kitu kimeibiwa mtalipa wenyewe.Afande RPC una RB yao mkononi, tukisikia kitu kimeibiwa uje mwenyewe hapa,kila mmoja awe mlinzi wa mwenzake".

Kwa upande wake Mbunge wa jimbo la Mbagala Mhe. Abdallah Chaurembo alipongeza hatua hiyo ya kupata mradi wa kivuko na amewataka Wananchi kutoa ushirikiano wakati wa utekelezaji wa mradi huo. Alisema

"Tuliahidi kushirikiana kutoa nguvu kazi kuhakikisha mradi unatekelezeka, sasa ni jukumu letu kutoa huo ushirikiano kwa kufanya kazi, Mhe. DC tufikishie salamu zetu kwa Mhe. Rais Samia Suluhu Hassan ,TASAF wasingeweza kutoa fedha bila Mhe. Rais"

Kwa upande wake diwani wa kata ya Mianzini Mhe. Alhaj Abdallah Mzee amepongeza ujenzi wa kivuko hicho na kuwakumbusha Wananchi wa eneo hilo kuwa Serikali kupitia Chama cha Mapinduzi (CCM) ipo pamoja nao na itaendelea kutatua changamoto zao.

Mradi wa ujenzi wa kivuko hicho unatekelezwa na TASAF (Tanzania Social Action Fund) ambapo nguvu za Wananchi na jumla ya shilingi milioni 97 zinatarajiwa kutumika kukamilisha mradi huo.