Manispaa ya Temeke na mafanikio lukuki

Posted on: November 13th, 2019

TEMEKE YA LEO NA MAFANIKIO LUKUKI

“Halmashauri ya Manispaa ya Temeke ya leo si ile ya miaka mitatu iliyopita” ni maneno ya Naibu Meya wa Manispaa ya Temeke Mhe.Juma R. Mkenga akiwa katika ziara ya kukagua miradi ya maendeleo inayotekelezwa katika Manispaa hiyo.

Ziara hiyo imefanyika leo ikihusisha timu ya waheshimiwa madiwani wa Manispaa ya Temeke pamoja na wataalam wakiongozwa na Kaimu Mkungenzi Ndg Deogratius Lokumanya kwa niaba ya Mkurugenzi wa Manispaa Ndg Lusubilo Mwakabibi.

Timu hiyo ya Madiwani na wataalam imetembelea miradi takribani 7 miradi yote kwa ujumla wake inagusa Sekta ya Afya, Elimu, Michezo, Miundombinu na Masoko.

Kwa upande wa Elimu na Afya yako mapinduzi makubwa yanayoendelea katika Manispaa ya Temeke ikiwemo ujenzi wa Kituo cha Afya cha Kisasa Buza ambacho  kitakuwa na uwezo wa kuhudumia wagonjwa wa  kulazwa wapatao 75 kwa wakati mmoja.lakini pia ujenzi wa  Zahanati ya Kisasa ya Yombo vituka ambayo inajengwa kwa Mapato ya ndani.

Ujenzi wa kituo cha afya Buza chenye uwezo wa kulaza wagonjwa 75 kwa wakati mmoja mara kitakapoanza kutoa huduma

Mwonekano wa ujenzi wa mradi wa zahanati ya kisasa yombo vituka mradi ambao unatekelezwa kwa fedha za ndani (own sorce).

Kwa kuwa elimu ndio mkombozi pekee timu pia imejionea maendeleo ya mradi wa madarasa 2 ya walemavu katika shule ya Msingi mbagala kuu na Ujenzi wa vyumba 6 vya madarasa shule ya sekondari Minazini pamoja na Ukarabati wa vyumba vya madarasa 16, stoo na ofisi ya walimu katika shule ya sekondari Kurasini II

Ujenzi wa madarasa 2 ya walemavu katika shule ya msingi Mbagala kuu ujenzi ambao unatarajiwa kukamilika baada ya wiki mbili kuanzia siku ya leo.

Aidha  Sekta ya Michenzo, Miundombinu Manispaa ya Temeke haipo nyuma timu hiyo imejionea maendeleo ya Ujenzi wa Uwanja wa kisasa wa mpira wa miguu na mpira wa pete pia barabara za lami zinazounganisha maeneo anuai ya Wilaya Temeke pamoja na Soko la Makangarawe ambalo limeshakamilika bado ufunguzi rasmi.

Kwa ujumla waheshimiwa madiwani wameridhishwa na kasi yautekelezaji wa miradi ya maendeleo katika Manispaa ya Temeke kwa kuunga juhudi za Mhe Rais wetu mpendwa Dkt John Pombe Magufuli ya kuwaletea wanachi maendeleo hasa wa hali ya chini, akitoa neno la shukrani wakati hitimisho ya ziara hiyo Naibu Meya Mhe Juma Mkenga ameushukuru ungozi wa Manispaa chini ya Mkurugenzi Ndg Lusubilo Mwakabibi kwa uchapaji kazi mzuri pia amewataka wananchi kuhakikisha wanaitunza miradi hiyo na waendelee kulipa kodi kwa maendeleo ya Manispaa ya Temeke.

Katika picha ni baadhi ya waheshimiwa madiwani wakipata maelezo kutoka kwa wataalam katika Zahanati ya Yombo vituka wakati wa ziara hiyo leo.