MHE. MTINIKA ASISITIZA UPENDO KWA WATENDAJI TEMEKE

Posted on: August 14th, 2023

Na:Shalua Mpanda-TMC

Mstahiki meya wa manispaa ya Temeke mheshimiwa Abdallah Mtinika amewataka wenyeviti,watendaji na wajumbe wa Serikali za mitaa kudumisha upendo miongoni mwao ili kuweza kuiletea maendelo Manispaa hii.

Mstahiki meya Mtinika ametoa wito huo wakati akifungua semina ya mafunzo kwa viongozi hao iliyofanyika leo Agosti 14,2023 katika ukumbi wa shule ya Sekondari Jitegemee wilayani humu.

Amesema hakuna haja ya viongozi hao kulumbana kwa kuwa nia ya Serikali inayoongozwa na Mhe.Rais Dkt Samia Suluhu Hassan ni kuwahudumia wananchi.

"Nia ya semina hii ni kuwafanya ninyi kuwa kitu kimoja.Kuna maneno maneno na kutoelewana kwa baadhi yenu,lazima muwe kitu kimoja,mshirikiane kwa pamoja Ili kuweza kuipaisha Manispaa yetu".Alisema Mhe.Abdallah

Aidha amewataka watendaji hao kujituma kwa na kufanya kazi kwa bidii ili kuisaidia Serikali katika kuwahudumia wananchi.

Semina hiyo ya mafunzo kwa viongozi hao ina lengo la kuwajengea uwezo katika kufahamu Sheria zinazohusiana na Utawala wa Serikali za mitaa,kusimamia maadili,Usafi na taka ngumu,Sheria ya 6%,Vibali vya ujenzi,leseni za Biashara pamoja na usimamizi wa Miradi ya Maendeleo.