Mhe Paul Makonda aridhishwa na utekelezaji wa miradi Temeke

Posted on: June 5th, 2020

RC MAKONDA AFURAHISHWA NA KAZI NZURI YA UTEKELEZAJI MIRADI TEMEKE.

Mkuu wa mkoa wa Dar es Salaam Mhe.Paul Makonda amekiri kufurahishwa na kazi nzuri zinazofanywa na halmashauri ya manispaa ya Temeke.

Mhe. Makonda ameyasema hayo leo wakati alipofanya ziara ya ukaguzi wa miradi ya maendeleo.Pamoja na kufanya ufunguzi wa vyumba vya madarasa katika shule ya sekondari Mbagala.

Miradi iliyotembelewa na Mhe. Makonda ni Kituo cha Afya kipya na cha kisasa cha Buza,Kituo cha afya kipya cha kisasa cha Yombo vituka,ujenzi wa mfereji wa Serengeti,ambao unapita ndani ya eneo la shule ya sekondari ya  Kibasila, Ujenzi wa madarasa  katika shule ya sekondari ya Kibasila ,Ujenzi wa madarasa katika shule ya sekondari Mbagala,pamoja na mradi wa kiwanda cha kufyatua matofali wa kikundi cha vijana   uliopo Toangoma.

Aidha wakati akihitimisha ziara yake Mhe.Makonda amesema kwamba Temeke inastahili kupongezwa kwa kazi kubwa,kwingine bado hajakwenda,lakini kwa kazi ambazo ameziona, anaamini kwamba tumewapiga bao.Mradi wa kituo cha afya Yombo Vituka pamoja na madarasa 124 na matundu 24 ya vyoo, imejengwa kwa fedha zinazokusanywa na manispaa ya Temeke kutoka katika vyanzo vya mapato  ndani 'Own source  'Kituo cha afya cha Yombo Vituka ni jengo la kisasa la gorofa mbili,kitakapo kamilika kitakuwa na uwezo wa kutoa huduma za matibabu kwa watu zaidi ya 2000.