MKANDARASI GROUP SIX AFANYA KIKAO CHA USHIRIKISHWAJI JAMII

Posted on: August 15th, 2025

Ni Mkutano wa Ushirikishwaji wa Wadau ulioandaliwa na Mkandarasi Group Six International Ltd juu ya utekelezaji wa  Mradi wa Ujenzi wa Barabara ya Masuliza -Kilimahewa km 4.04 unaotekelezwa chini ya Mradi wa Uendelezaji wa Jiji la Dar es Salaam Awamu ya Pili (DMDP Phase Two).

Mkutano huo umebeba Agenda kuu ya kushirikisha Wadau muhimu juu ya kinachotarajiwa kufanyika na kupeana ushirikiano wakati wote wa utekelezaji ili kuwezesha Mradi huo kutekelezwa kwa ufanisi.

Wadau walioshirikishwa katika Mkutano huo ni TANESCO, DAWASA, Makampuni ya Simu, Viongozi wa Serikali za Mitaa, Timu ya Utekelezaji wa Mradi wa DMDP (PIT's) kutoka Manispaa ya Temeke pamoja na  Mkandarasi Mshauri.

Mkutano huo umejadili juu ya uhamishaji wa mindombinu ya umeme, Maji na Simu ili kupisha Ujenzi wa Barabara lakini vilevile kutafuta Njia Mbadala wakati wa ujenzi ili kuwezesha wananchi kuendelea na shughuli zao bila usumbufu wowote.

Halkadhalika kulikuwa pia na kipindi cha maswali na majibu ambapo wajumbe waliweza kuuliza mambo mbalimbali kuhusiana na Mradi na  kupatiwa majibu.

Wenyeviti wa Mitaa na Watendaji waliohudhuria ni wa kutoka Mtaa wa Ponde, Mikwambe,  Masuliza, Mwapemba, Goroka na Toangoma