MKUU WA IDARA YA UTUMISHI NA UTAWALA TEMEKE AWATAKA WATUMISHI KUTIMIZA WAJIBU WAO

Posted on: November 2nd, 2023

Na:Shalua Mpanda-TMC

Mkuu wa Idara ya Utawala na Usimamizi wa Rasilimali Watu wa manispaa ya Temeke Bi. Debora Ngangaji amewataka watumishi wa Manispaa hii kutimiza wajibu wao wanapokuwa kwenye sehemu zao za kazi.

Ameyasema hayo Novemba2,2023 wakati wa kikao chake na watumishi wa makao makuu manispaa ya Temeke kilichofanyika katika ukumbi wa Iddi Nyundo.

Bi.Ngangaji amesema baadhi ya watumishi wamekuwa wakifanya kazi kwa mazoea na kusahau kutimiza wajibu.

"Sote tunatambua kuwa tunafanya kazi kwa kuongozwa na Sheria,Kanuni na Taratibu,tukisimamia kwenye haya hakuna malalamiko yatakayotokea katika utendaji wetu wa kazi".Alisema mkuu huyo wa Idara

Aidha amewataka Watumishi hao kutumia weledi katika kukamilisha majukumu ya kila siku ili kuweza kutoa huduma bora kwa Wananchi.

Mkuu huyo wa Idara amekutana na Watumishi hao ikiwa ni mara ya kwanza tangu alipohamia Temeke akitokea Manispaa ya Bukoba.