MSTAHIKI MEYA ABDALLAH MTINIKA TAYARI AMEJIANDIKISHA

Posted on: October 18th, 2024

Kuelekea Uchaguzi wa Serikali za Mitaa Wananchi ikiwemo Viongozi mbalimbali wanaendelea kujitokeza kujiandikisha katika Orodha ya Wapiga Kura wa Serikali za Mitaa.

Mapema Leo Oktoba 17, 2024 Mstahiki Meya wa Manispaa ya Temeke Mhe. Abdallah Mtinika amejiandikisha katika Orodha ya Wapiga Kura wa Serikali za Mitaa katika Kata ya Kibondemaji ili ifikapo Novemba 27,2024 Siku ya Uchaguzi aweze kutumia haki yake ya Msingi ya kikatiba kwa kumchagua Kiongozi wake wa Mtaa anayemtaka.

Akizungumza na Wananchi Mhe. Mtinika amesema kuwa

"Zoezi la uandikishaji likiwa linaendelea nikaona ni vyema nije niwasalimie na mnipe mwelekeo kuhusu mambo ya uandikishaji yanaendaje na ni lazima nihakiki zoezi hili linaendaje ,hivyo basi niwaombe mjitokeze kwa wingi kwenye hili zoezi asanteni ."Alisema Mhe. Mtinika

Aidha Mhe. Mtinika alipata wasaa wa kuzungumza na madereva bajaji na bodaboda ikiwa katika kuwaeleza zaidi kuhusu umuhimu Uchaguzi wa Serikali za Mitaa na kujiandikisha katika Orodha ya Wapiga kura.

Zoezi la Uandikishaji wa Wapiga Kura wa Serikali za Mitaa lilianza mnamo Oktoba 11, 2024 na linatarajiwa kuhitimishwa ifikapo Oktoba 20, 2024.