Rais Magufuli akutana na watendaji wa kata wa nchi nzima

Posted on: September 2nd, 2019

Rais Magufuli leo Jumatatu September 02,219 amekutana na kufanya mazungumzo na Watendaji Kata kutoka katika Mamlaka ya Serikali za Kata zote Tanzania Bara, Ikulu Jijini DSM

_

“Nimewaita ili tubadilishane mawazo Kuhusu masuala mbalimbali ya Serikali, ninyi ni Viongozi wa karibu zaidi na Wananchi, mnazielewa zaidi changamoto za Wananchi, wasaidieni na watembeleeni katika maeneo yao,msikae maofisini tu"

_

“Kutaneni na Wananchi na mtatue kero zao, bebeni kikamilifu dhamana za Uongozi, changamoto ziwasilisheni kwa viongozi wa juu, mnaniwakilisha kwenye kata, Nchi hii hakuna mdogo au mkubwa wote tuko sawa, hata hii Ikulu iko chini ya Kata, kwa hiyo sisi wote tuko chini ya Kata”

_

"Mradi wowote wa Kitaifa wewe unahusika, mtu akikwambia unasimamiwa Kitaifa mwambie Kitaifa ni wewe, Mtendaji wa Kata ni Bosi, sababu ya kuwaita hapa ni kuwapa hayo meno ninyi ni Mabosi, sasa atokee mwingine aseme sio Mabosi mwambieni aniambie mimi”

_

"Nitasikitika baada ya kikao cha leo atokee Kiongozi anamuonea Mtendaji Kata, nitamuona hatoshi, na nitasikitika zaidi nikimuona Mtendaji Kata anawaonea wananchi wangu waliokaa juani kunipigia kura nitamuona huyo Mtendaji hatoshi"

_

"Nilipowaita wengine hawakufurahia, Rais anawaita hadi watendaji Kata Ikulu?, nasikia wa Kyerwa wamepewa Laki na 50 kuja DSM wakati wa Dodoma wameletwa na basi maalum, haiwezekani fulani apate urahisi,mwingine apate tabu,Mabosi wenu hawawezi kufurahia ila mimi ni Boss Mkubwa”

_

"Kazi ya Mtendaji wa Kata ni kazi kubwa, msiidharau, kuna walioanzia kwenye nafasi hiyo na wakapanda mfano tulikuwa na Waziri wa Viwanda na Biashara Mhe. Joseph Kakunda, alikuwa ni Mtendaji wa Kata ya Manzese, kidogo kidogo mtapanda"

_

“Nyinyi ni wasimamizi wa Watumishi wa Umma kwenye Kata, hata kama kwenye Kata yako kuna Waziri,Mkuu wa Mkoa au Mkuu wa Wilaya usiogope kumwandikia mapendekezo kama anaenda kinyume na maadili ya kazi zake,na ukimuona mkubwa sana nitumie nakala na mimi”

_

“Unakuta kiongozi kila siku anafanya vurugu kwenye baa, mpaka mwenye baa anaamua kufunga kwa sababu yake niandikie mimi tu, nyinyi msijidharau nataka mkitoka hapa mseme 'We are strong', mkijidharau na wengine watawadharau”