RC CHAMILA AITAKA NMANISPAA YA TEMEKE KUWA NA MIKAKATI YA KIBIASHARA

Posted on: November 21st, 2023

Na:Shalua Mpanda-TMC Habari

Wito umetolewa kwa viongozi wa Halmashauri ya manispaa ya Temeke kuanza kufikiria mikakati ya kibiashara ili kujiongezea mapato.

Wito huo umetolewa na mkuu wa mkoa wa Dar es salaam mheshimiwa Albert Chalamila wakati wa hafla ya ufunguzi wa soko jipya la kisasa la Zakhem lililopo Mbagala leo Novemba 21,2023.

Akitolea mfano Soko hilo lililogharimu kiasi cha shilingi bilioni 2.48 ambalo litakapoanza kutumika litaingiza kiasi cha zaidi ya milioni mia 6 kwa mwaka,Mhe.Chalamila amesema Manispaa hiyo Ina uwezo wa kurudisha gharama za ujenzi kwa kipindi kifupi,hivyo kuna uwezekano wa kuwa na masoko kama hayo zaidi.

"Soko hili lina uwezo wa kurejesha gharama za ujenzi kwa muda wa miaka mitatu tu,Sasa unashindwaje kwenda benki ukakopa hata bilioni 50 ukaja ukanunua maeneo ukajenga masoko mengine?".Alihoji Mhe.Chalamila

Awali akimkaribisha mkuu wa Mkoa,Mkuu wa wilaya ya Temeke Mhe.Sixtus Mapunda alimueleza mkuu wa Mkoa kuwa wametekeleza maagizo yote ambayo aliwaagiza wakati wa uzinduzi wa Soko hilo mapema mwezi Agosti mwaka huu.

"Ni upendo wa hali ya juu sana kwa kiongozi kuja kufungua soko lakini akatoa maelekezo kuwa watu wa hali ya chini kabisa ndio wanapaswa kupewa kipaumbele, nakushukuru sana mkuu wa Mkoa".Alisema Mhe.Mapunda

Soko hilo ambalo ujenzi wake ulianza rasmi Mei mosi,2022 lilojengwa na mkandarasi Group Six lina jumla ya Vizimba 272,fremu za maduka 152 na maeneo mengine ya biashara.