TALGWU WORKERS GET TOGETHER TEMEKE 2025 YAFANA

Posted on: August 15th, 2025

Ni Jioni iliyokuwa njema kwa Wafanyakazi walio Wanachama wa Chama cha Wafanyakazi wa Serikali za Mitaa Tanzania (TALGWU) Temeke ambapo leo Agosti 15, 2025 wamejumuika pamoja katika sherehe (Get together) iliyofanyika katika Viwanja vya Makao Makuu ya Halmashauri ya Manispaa ya Temeke.

Sherehe hiyo imesheheni Chakula, Nyama choma, Foil, Vinywaji na Burudani ya Bendi mubashara (Live Band) huku Mgeni rasmi akiwa Mkurugenzi wa Manispaa ya Temeke akiwakilishwa na Mkuu wa Kitengo cha Huduma za Sheria Wakili Fortunata Shija.

Wakili Shija amesisitiza Mshikamano kwa Wanachama wote wa TALGWU! kuchapa kazi kwa bidii ili kuweza kujiletea maendeleo kuanzia ngazi ya familia na hadi ngazi ya Taifa.

Aidha Wakili Shija amependekeza Sherehe hizi zifanyike kila mwaka kama chachu ya kuwaleta watu pamoja na kubadilishana mawazo baada ya kutimiza malengo mahsusi walihojiwekea kwa kipindi maalum cha mwaka.

Kwa upande wa Kamati ya Maandalizi kupitia kwa Mwenyekiti wake Bi. Shamila Hassan amepokea wazo la mwakilishi wa mkurugenzi la kuendeleza mshikamano pamoja na ushirikiano kazini hivyo basi kama Kamati wamekubaliana na wazo la kufanya sherehe hizi kila mwaka kuanzia mwaka ujao wa Serikali.

"TALGWU Chama imara, huduma bora kwa Wanachama"