Temeke yaungana na wadau kuadhimisha siku ya Mazingira Duniani.

Posted on: June 5th, 2018

Manispaa ya Temeke imeungana na Manispaaa nyingine za Jiji la Dar es salaam katika sherehe za maadhimisho ya siku ya mazingira Duniani,ambapo kitaifa yamefanyika katika viwanja vya mnazi mmoja.

Akitoa salam na pongezi kwa wananchi, Mgeni rasmi Makamu wa Rais  Mheshimiwa Samia Suluhu Hassan aliwataka wadau wa mazingira kuibeba kauli mbiu ya maadhimisho isemayo  ''MKAA NI GHARAMA,TUMIA NISHATI MMBADALA.''  kwa kuhakikisha inaleta  matokeo chanya.

''ninawataka wadau wa mazingira na wananchi kwa ujumla kuhakikisha utunzwaji wa mazingira pamoja na utunzwaji  wa miti ya asili unazingatiwa''

Katika hotuba yake Mama Samia alibainisha athari ziletwazo na utunzwaji mmbaya wa mazingira kuwa ni pamoja na kuharibu misitu ambayo itatusaidia kupunguza joto pamoja na hewa ya ukaa pamoja na bahari kuingia katika makazi ya watu,kukimbiza wanyama na wadudu , kuyeyuka kwa theluji  katika baadhi ya vilele vya  milima na ongezeko kubwa la joto duniani.

Nae Waziri wa Nchi Ofisi ya Rais Mazingira, Mheshimiwa January Makamba alisema maadhisho haya hufanyika kila tarehe 05/06 kila mwaka, lengo kuu likiwa kuwakumbusha wananchi utunzwaji wa mazingira kwa manufaa ya vizazi vijavyo na kuwataka wadau na wananchi kusimama katika nafasi zao.

Akiwashukuru wadau wa mazingira kwa juhudi zao za kuhakikisha mazingira yanatuzwa kwa hali zote,Mkuu wa Mkoa wa Dar es Salaam Mhe. Paul Makonda amewataka kuhakikisha kampeni hii ni endelevu  ili kuokoa vizazi vijavyo dhidi ya janga la uharibifu wa mazingira

Pia amewataka wananchi wotewa Jiji la Dar es Salaam kuhakikisha wanazingatia agizo la usafi wa mazingira kila jumamosi ya kwanza ya mwezi na kutangaza tarehe 01/07/2018 kuwa ni siku ya usafi kwa Mkoa wa Dar es salaam.

Maadhimisho haya yamehudhuriwa na wadau na viongozi mbalimbali toka Manispaa zote pamoja na viongozi wa vyama vya siasa,pamoja na hamasa mbalimbali toka kwa wanamuziki waliohamasisha kwa tungo mbali mbali zenye ujumbe wa mazingira.