TIMU KUTOKA NMB BANK YAFIKA TEMEKE

Posted on: August 13th, 2024

Na: Joanita Joseph -TMC Habari

Timu ya Watendaji kutoka 'National Microfinance Bank' (NMB) ikiongozwa na Meneja wa Tawi la Temeke Bi. Kidawa Masoud leo Agosti 13, 2024 wametembelea Ofisi za Manispaa ya Temeke na kukutana na Menejimenti timu ya Manispaa, Lengo likiwa ni kutoa elimu ya huduma za kibenki zinazopatikana katika Benki hiyo, kujadili mikakati ya kibiashara na kuboresha mahusiano na ushirikiano baina ya Manispaa na Benki hiyo.

Akizungumza katika Kikao baina ya Watendaji kutoka NMB na Menejimenti ya Manispaa, Bi Kidawa Masoud Meneja wa Tawi la Temeke amesema

"Niombe tuendelee kuichagua NMB, Kwanini NMB? Kwasababu ni Benki ya Biashara yenye mtandao mkubwa lakini imesheheni huduma bora, nzuri, muhimu na kamilifu kulingana na matakwa ya wateja wetu hivyo tuna kila sababu ya kusapoti Benki hii, tunaomba mzidi kuwa mabalozi wetu katika kuendelea kuikuza zaidi NMB na faida moja wapo katika hili itakuwa ni kuipeleka Serikali yetu na Taifa letu mbele"

Sanjari na hayo Menejimenti ilipata fursa ya kupata elimu kutoka kwa watendaji wa NMB ikiwa ni pamoja na elimu ya Bima, mikopo, kadi za Benki hiyo, NMB Mkononi, Aina za Akaunti mbalimbali na huduma nyinginezo.

Benki ya NMB ni mojawapo ya Taasisi kubwa inayotoa huduma za kifedha na za kibenki kwa watu binafsi, makampuni, taasisi, na Biashara mbalimbali.