TUMELETWA SEHEMU SALAMA-WADAU WA USAFIRISHAJI TEMEKE

Posted on: October 21st, 2022

Na; Francisca Mselemu  TMC Habari.

Hii ni kauli ya mmoja wa Wadau wa Usafirishaji anayejulikana kwa jina la Salum Selemani maarufu kama Mpemba,aliyoitoa Leo Oktoba 21,2022 wakati akihojiwa na mtangazaji wa TBC katika kipindi mubashara cha  Jambo Tanzania.

Akizungumza katika mahojiano hayo mdau huyo amesema kuwa  stendi ya Kijichi ni stendi bora,na kwamba yeye kama mdau wa Usafirishaji wa miaka mingi  anaishukuru Manispaa ya Temeke kwa kuwapeleka katika eneo hilo ambalo mazingira yake ni salama na bora.

"Katika stendi bora,ya kwanza Mbezi,ya pili Kijichi,Mimi nina miaka 30 kwenye kazi za  magari,nimekaa Kisutu,nimekaa Ubungo,nimekaa Mbagala.

Stendi ya Kijichi ina mapungufu machache tu, ambayo tunaamini Serikali ikiweka mkono wake, itakuwa ni stendi bora". Alisema Salum .

Akijibu kuhusu mipango ya Manispaa katika kutatua changamoto hizo,meneja wa TARURA wilaya ya Temeke  mhandisi Paul Mhere amesema

"Stendi imeanza kutumika, zipo changamoto mbalimbali zilizojitokeza, kama  ufinyu wa Barbara n.k.

Mkandarasi ameshapatikana,tayari kwa ajili ya kufanya upanuzi wa barabara,hususani katika maeneo yenye kona ii magari yaweze kukata kona kwa urahisi,kuweka zege katika eneo la maegesho pamoja na kuweka matuta ,ambapo kiasi cha shilingi 1.793 zitatumika katika maboresho hayo.

Naye mwenyekiti wa kamati ya stendi hiyo ndugu Mkana Mohamed Mkana ameeleza juu ya mapokezi ya stendi hiyo ambapo amesema kuwa Wananchi wamefurahia kupata huduma ya stendi  katika eneo  la Manispaa kwani kwa miaka mingi wamekuwa wakitumia stendi za watu binafsi ambazo mazingira yake sio bora kama yalivyo ya Stendi ya Kijichi.

Stendi ya Kijichi imeanza kutumika Oktoba 17,2022.Kuanza kwa stendi hiyo kunakwenda sambamba  na  kukoma kwa matumizi ya stendi zote zilizokuwa zikitumika awali ambazo ni Stendi za Mbagala Rangitatu na ile ya Sudani.Hivyo Serikali ya Temeke inatoa Rai kwa Wananchi wote wanaosafiri kwenda Mikoa ya Kusini na baadhi ya maeneo ya Mkoa wa Pwani,kuunga mkono juhudi za Serikali ambayo hadi sasa imeshawekeza fedha nyingi katika stendi ya Kijichi ,kwa kuitumia Stendi hiyo.