UNICEF YATOA MSAADA KWA VITUO VYA UFUNDI TEMEKE

Posted on: September 6th, 2024

Na:Shalua Mpanda

Shirika la Umoja wa Mataifa la kuhudumia Watoto na Wanawake(UNICEF),limekabidhi msaada wa vifaa mbalimbali katika vituo vinne vya ufundi(IPOSA).

Msaada huo wa vifaa mbalimbali vya ufundi umetolewa katika vituo vya ufundi vilivyopo chini ya Mfuko wa Elimu Changamani kwa Vijana walio nje ya Shule(IPOSA).

Akizungumza wakati wa kukabidhi vifaa hivyo kwa baadhi ya walimu wa vituo hivyo,Afisa Elimu Watu wazima na Elimu nje ya Mfumo Rasmi Mwalimu Sr. Donasia Njuu amesema msaada huo utakuwa chachu ya kufanya vizuri kwa vijana hao ambao wapo nje ya Mfumo rasmi wa Elimu.

"Tunamshukuru sana mheshimiwa Rais Samia Suluhu Hassan kwa kuunganisha wafadhili ambao wamewezesha upatikanaji wa vifaa hivi'.Alisema Mwalimu Njuu.

Kwa upande wake mwalimu wa somo la Umeme katika kituo cha IPOSA Temeke ndugu Nicodemus Manjali ameshukuru kwa msaada huo ambao utarahisisha ufundishaji katika kituo hicho.

Vifaa vilivyotolewa katika vituo vinne vya Wailes,Amana,Bahati na Mzinga ni pamoja na vifaa vya umeme,vifaa vya mafundi uwashi,mashine za kukunjia vyuma pamoja na vifaa vingine.