Utekelezaji wa Miradi ya Elimu Robo ya 3 Kata ya Toangoma

Posted on: May 17th, 2019

Kata ya Toangoma ni moja wapo kati ya kata 23 za halmashauri ya manispaa ya Temeke .Kata hii ina mita za mraba 40, ina mitaa 14,ina kaya 10,352.Kwa mujibu wa sensa ya mwaka  2013 kata ya Toangoma ina  idadi ya watu takriban 44,578 .

Kata ya Toangoma ina jumla ya shule 29, shule 18 ni za msingi, na 11 ni za sekondari. Zipo changamoto zinazoikabili kata ya Toangoma katika sekta ya elimu.Changamoto hizo ni upungufu wa vyumba vya madarasa na upungufu wa walimu.

Katika kukabiliana na changamoto ya upungufu wa vyumba vya madarasa serikali inatekeleza miradi ya ujenzi wa madarasa kata ya Toangoma,miradi hiyo ni ujenzi  wa vyumba  2 vya madarasa shule ya msingi Toangoma. Mradi huu umefadhiliwa na mfuko wa Rais  kupitia programu ya P4R .Kiasi cha fedha kilichotolewa ni sh. 50,000,000.Mradi wa vyumba 4 vya madarasa katika shule ya sekondari changanyikeni, ujenzi unaendelea.Mradi umefadhiliwa na ofisi ya Rais TAMISEMI, kiasi cha fedha kilichotolewa ni sh. 50,000,000.Kadhalika mradi wa vyumba 4 vya madarasa shule ya sekondari Malela .Ujenzi unaendelea, umefadhiliwa na Ofisi ya Raisi Tamisemi,ambapo fedha kiasi cha shilingi 50,000,000 kimetolewa kwa ajili ya utekelezaji wa mradi huo.

Mradi mingine inayotekelezwa na serikali katika sekta ya elimu  kata ya Toangoma, ni ujenzi wa vyoo matundu 24, madarasa 2 mabweni 2 katika shule ya msingi Toangoma kwa ajili ya wanafunzi wasioona.Gharama ya mradi huo ni kiasi cha shilingi 200,000,000,fedha ambazo zimetolewa na Mamlaka ya elimu Tanzania (TEA).