Ziara ya Menejimenti Manispaa ya Temeke

Posted on: November 9th, 2019

Timu ya menejimenti ya halmashauri ya manispaa ya Temeke ikijadiliana jambo baada ya ukaguzi wa ujenzi wa vyumba vya madarasa katika shule ya Sekondari Kurasini 11 .

Timu ya Menejimenti ya halmashauri ya manispaa ya Temeke(CMT )Imefanya ziara kukagua miradi ya maendeleo inayotekelezwa  katika mwaka wa fedha 2019/2020.Ziara hiyo imefanyika  mwishoni mwa wiki.

Miradi iliyokaguliwa ni  Ujenzi wa vyumba 16 vya madarasa,stoo na ofisi  shule ya sekondari kurasini 11.Ujenzi wa vyumba 6 vya madarasa shule ya sekondari mianzini ambayo ujenzi wake uko katika hatua ya kupaua,ujenzi wa jengo la ghorofa 2 la zahanati ya Yombo vituka ambayo ujenzi wake unaendelea.

Miradi mingine iliyokaguliwa wakati wa ziara hiyo ujenzi wa madarasa 2 ya wanafunzi wenye ulemavu shule ya msingi Mbagala kuu,ambapo jengo limefikia hatua ya lenta.Ujenzi wa bwalo la wanafunzi wenye ulemavu shule ya msingi Toangoma,ambapo ujenzi upo katika hatua ya  msingi.

Miradi mingine iliyokaguliwa ni ujenzi wa mabweni 2 kwa wanafunzi wenye ulemavu  shule ya msingi Toangoma,mradi huu upo katika hatua za ukamilishaji.Ujenzi wa kiwanja cha mpira  katika kata ya Makangarawe,mradi huu upo katika hatua za ukamilishaji.

Kadhalika ujenzi wa jengo la kituo cha afya zahanati ya Buza ambacho ujenzi wake upo katiks hatua ya umaliziaji. Ujenzi wa soko la Makangarawe ambalo ujenzi wake umekamilika,bado kuingiza umeme.Miradi ya viwanda  vidogo vya kufyatua matofali kwa kikundi cha vijana  cha Temeke na kikundi cha vijana Toangoma ambayo imekamilika,bado kuunganishiwa umeme , pamoja na mradi wa ujenzi wa barabara ya Mbosi yenye urefu wa kilomita 1.5, ambayo ujenzi wake umekamilika kwa asilimia 90.

Aidha wakati wakikagua miradi hiyo, timu ya menejimenti imetoa ushauri na maelekezo   kuhusu namna ya kuboresha  miradi hiyo,ambapo wahusika katika utekelezaji wa miradi hiyo  wametakiwa kufanyia kazi ushauri na maelekezo hayo mara moja.

Jumla ya miradi 13 imekaguliwa, ambapo hadi kukamilika kwake,inakadiriwa kugharimu kiasi cha shilingi 8,896,112,286.Kati ya hizo, kiasi cha shilingi 4,507,161,556 ni kutoka katika mapato ya ndani ya halmashauri ya manispaa ya Temeke.