VIFAA VYA KIDIGITALI KUNUFAISHA WANANCHI WA TEMEKE

Posted on: August 17th, 2022

Mkuu wa wilaya ya Temeke Mhe.Jokate Mwegelo amezindua vifaa tiba vya kidigitali katika kituo cha afya Yombo Vituka kilichopo Manispaa ya Temeke.

Vifaa vilivyozinduliwa leo ni pamoja na Ultra sound na X-ray aina ya flat pannel detector digitalization vyenye thamani ya sh .Mil 56 ikiwa ni pamoja na gharama za kufungwa kwake.

Aidha Mhe.Jokate amewasisistiza watoaji huduma wa kituo hicho kuhakikisha wanatunza vifaa hivyo pia kutoa huduma bora kwa wananchi na kuwapa kipaumbele wazee wanapokuja kupata huduma katika kituo hicho.

"Nimpongeze Mhe.Rais kwa kuendelea kuwahudumia wananchi katika sekta ya afya husani wakazi wa Temeke,tumepata zaidi ya bilioni 2 kwa ajili ya upanuzi wa hospitali ya Rangitatu na leo tena vifaa tiba hivi vya milioni 56,tumshukuru sana mama Samia Suluhu Hassan".Alisema Mkuu huyo wa wilaya

Naye Diwani wa kata hiyo Mhe.Fulgence Lwiza amefurahishwa na ujio wa vifaa hivyo vya kidigitali na kumpongeza Mhe Jokate kwa kazi kubwa anayoifanya lakini pia alielezea changamoto wanazokabiliana nazo katika kituo hicho zikiwemo maji,chumba cha kuhifadhia maiti pamoja na kituo cha daladala.

Kwa upande wake Mganga mfawidhi wa kituo hicho Dkt.Boniface Mruma ameeleza matarajio ya ununuzi wa vifaa hivyo ikiwa ni pamoja na kuongeza utoaji wa huduma za kisasa kama vile upimaji wa ujauzito,kifua,moyo,mishipa ya damu ,figo,uvimbe kwenye mfumo wa uzazi na kupunguza gharama za uendeshaji wa matibabu hayo.

Akizungumza wakati akimkaribisha Mkuu wa wilaya,Mkurugenzi wa manispaa ya Temeke Elihuruma Mabelya aliwataka watumishi hao kuendelea kutoa huduma bora na kutunza vifaa hivyo vilivyotolewa kwa pesa za walipa kodi.

Uzinduzi huo pia ulihudhuriwa na Mbunge wa jimbo la Temeke Mhe.Dorothy Kilave,Diwani wa kata ya Miburani Mhe.Rajabu Mkenga ambaye alimuwakilisha mstahiki Meya Abdallah Mtinika.