Ziara ya RC Makonda Manispaa ya Temeke

Posted on: November 3rd, 2019

RC MAKONDA ARIDHISHWA NA KASI YA UTEKELEZAJI WA MIRADI YA MAENDELEO MANISPAA YA TEMEKE.

Mkuu wa Mkoa wa Dar es salam Mhe Paul Makonda ameridhishwa na kasi utekelezajia wa miradi ya maendeleo katika Manspaa ya Temeke Jijini Dar es Salaam.

Amebainisha hayo leo alipofanya ziara katika Manispaa ya Temeke na kupokelewa na Mkuu wa Wilaya ya Temeke Mhe Felix Lyaniva pamoja timu ya wataalam wa Manispaa wakiongozwa na kaimu Mkurugenzi Manispaa ya Temeke Ndg Deogratius  Lukomanya

Akiwa katika ziara hiyo amekagua miradi mitatu ya maendeleo ikiwemo Ujenzi wa barabara ya mwendokasi Mbagala, Ujenzi wa uwanja wa mpira wa kisasa na Ujenzi wa Soko la Kisasa Kata ya Makangalawe.

Katika picha Mkuu wa Mkoa Mh Paul Makonda akiwa na timu yake wakati wa ziara ya ukaguzi wa ujenzi wa Barabara ya Mwendokasi Mbagala Manispaa ya Temeke.

Akiwa katika mradi wa ujenzi wa barabara ya mwendokasi mbagala unaojengwa na Kampuni ya SINOHYDRO CORPARATION LIMITED Mhe Mkuu wa Mkoa Mh Paul Makonda amemtaka mkandarasi wa kigeni ambaye anajenga barabara hiyo kuhakikisha vibarua wadogowadogo anaajiri wazawa ambao ni wakazi wa Temeke ili nao wajipatie ajira.

Wakati huo akiwa anaendelea na ukaguzi wa sehemu ambayo kuna vifaa vya ujenzi wa barabara hiyo ya mwendokasi wakatokea vijana ambao ni wazawa wa eneo hilo wakamuomba mkuu wa mkoa kuwasaidia kupata ajira ndogondogo kwenye kampuni hiyo hapohapo Mkuu wa Mkoa Mhe. Paul Makonda akaamuru waandikwe majina na kampuni hiyo na wawe wa kwanza kufikiriwa katika ajira.

Lakini pia alienda mbali zaidi  Mhe Mkuu wa Mkoa akasema kwa vijana wetu ambao wako kwenye vyuo wanasomea fani za uhandisi wapatiwe fursa za kufanya field katika kampuni hizo za ujenzi, hiyo itasaidia mwisho wa siku kuwa na wataalam wazuri wa ndani ambao nao wataweza hata kufanya kazi mataifa mengine kama ilivyo kwa wao ambao wametoka nje na wanafanya kazi kwetu Tanzania.

Aidha alipotembelea Kiwanja cha Mpira Makangalawe na Soko la Kisasa katika kata hiyo akasema nimeridhishwa na miradi hiyo ya maendeleo kwa wananchi ambayo inatekelezwa na  DMDP na mingine Manispaa kwa kuwa inaendelea vizuri na inatija kwa wananchi.

Mkuu wa Mkoa Mhe Paul Makonda akiwa amekaa na timu ya wataalam katika uwanja wa kisasa wa mpira wa miguu unaojengwa na DMDP  kata ya Makangarawe Temeke wakati wa ziara yake leo.

Mwonekano wa Soko la kisasa la Makangalawe Temeke ambalo pia lilitembelewa na Mkuu wa Mkoa Mh Paul Makonda

Mwisho amewataka wananchi wa Temeke kwa kuwa kipindi hiki ni cha uchaguzi wa Serikali za Mitaa wasifanye makosa wachague viongozi watakao leta maendeleo katika ngazi za mtaa na kata waachane na viongozi ambao hufikiria matumbo yao na sio wananchi wanyonge , tupate viongozi wazuri watao msaidia Rais wetu Dkt John Pombe Magufuli katika dhamira yake ya kuwaletea wananchi maendeleo.