ZOEZI LA USAFI WA MWISHO WA MWEZI, VINARA WA USAFI WAPATIWA ZAWADI

Posted on: November 29th, 2025

Na: Ramadhan Fupi, TMC Habari

Leo Novemba 29, 2025 ikiwa ni Jumamosi ya Mwisho wa Mwezi Viongozi, Wananchi na Wadau mbalimbali wa Usafi wa Mazingira Manispaa ya Temeke wamejitokeza kwa wingi kufanya usafi katika Kata ya Charambe ikiwa ni sehemu ya utekelezaji wa Kampeni ya Kitaifa ya kufanya Zoezi la Usafi wa Mazingira kila ifikapo Jumamosi ya Mwisho wa Mwezi.

Akizungumza na Wananchi kwa niaba ya Mkurugenzi wa Manispaa ya Temeke, Mwanasheria wa Halmashauri ya Manispaa ya Temeke Ndg. Shafii Mshamu amewapongeza Viongozi, Wananchi na Wadau mbalimbali waliojitokeza kushiriki zoezi la usafi wa mazingira na kuwasihi wananchi kuendeleza utamaduni huo katika maeneo mbalimbali kwa lengo la kutunza mazingira na Afya.

Nae Balozi wa Mazingira Nchini Ndg.Michael Msechu amekabidhi Zawadi ya Tisheti, Fedha na Mtungi wa Gesi kwa baadhi ya Wananchi akiwemo Mama lishe ambao wameonekana kuwa Vinara wa Usafi kwenye Maeneo yao ya Biashara na kuhimiza Wafanyabiashara wengine kuiga mfano kutoka kwao.

Temeke Safi Inawezekana!