DC JOKATE AUNGANA NA MUSLIM WORLD LEAGUE KUWAKUMBUKA WAHIJATI

Posted on: September 17th, 2022

Septemba 17,2022 mkuu wa wilaya ya Temeke Mheshimiwa Jokate Mwegelo ameungana na taasisi  ya 'Muslim World League' katika zoezi la ugawaji wa chakula kwa wanawake wajane,yatima na watu wengine wenye uhitaji wilayani humu.

Akizungumza katika tukio hilo lililohudhuriwa na viongozi mbalimbali wa dini na Serikali, Mhe. Jokate alitoa shukrani kwa taasisi hiyo kwa kuendeleza matendo mema kwa jamii hususani kwa wanawake na watoto. Alisema

"Niwashukuru kwakua mmeona umuhimu wa kutoa vitu hivi kwa watu wenye uhitaji, nafarijika kwasababu mmeona umuhimu wa kuendelea kuigusa jamii,tutaendelea kufanya kazi na mashirika au taasisi zinazoigusa jamii kwasababu ni daraja la kutukutanisha sote na lengo letu moja la kuitumikia jamii"

Vitu vilivyokabidhiwa ni pamoja na mchele, sukari, unga wa ngano, maharage ,majani ya chai pamoja na mafuta ya kupikia.

Taasisi ya 'Muslim World League' yenye makao makuu yake nchini Saudi Arabia imekua na utaratibu wa kusaidia jamii Nchini kila mwaka kwa kufanya matendo tofauti tofauti ya kunufaisha wahitaji husika.