DC MAPUNDA AFANYA ZIARA KUKAGUA UHARIBIFU ULIOSABABISHWA NA MMOMONYOKO WA ARDHI CHAMAZI

Posted on: June 7th, 2024

Mkuu wa wilaya ya Temeke mheshimiwa Sixtus Mapunda leo amefanya ziara kukagua maeneo yaliyoathirika na mmomonyoko wa ardhi eneo la Saku kata ya Chamazi.

Katika eneo hilo,Mkuu huyo wa Wilaya amewapa pole wakazi wa maeneo hayo na kuwasihi kutoendelea kuishi kwenye majengo ya nyumba ambazo zimebomoka ili kuweza kuepuka maafa zaidi vikiwemo vifo.

"Angalia kama huyu amewezaje kulala humu kwenye jengo lililodondoka yeye na mtoto wake,si anaweza kusababisha kifo?".Alihoji Mhe.Mapunda.

Mmoja wa waathirika wa mmonyoko huo katika eneo hilo amemshukuru mkuu wa wilaya kwa kuwa karibu na wananchi hao kwa kuwafariji kwa kuwapa misaada mbalimbali ya kijamii vikiwemo vyakula.

Aidha Mhe.Mapunda ameahidi kupeleka mifuko 50 ya vyakula kwenye kaya zilizokumbwa na janga hilo hili ziweze kuwasaidia baada ya familia nyingi kupoteza mali zao vikiwemo vyakula.

Hali hiyo ya mmomonyoko wa ardhi umekumba maeneo mbalimbali wilayani temeke ikiwemo kata ya Chamazi na Kiburugwa ambapo tayari Serikali ya Wilaya chini ya mkuu wa Wilaya hiyo imepeleka timu ya wataalamu wa miamba kuchunguza kiini cha tatizo hilo.