DC MAPUNDA AKOSHWA NA MAFUNZO YA HUDUMA MAJUMBANI CHUO CHA PADRE PIO

Posted on: November 16th, 2023

Na:Shamsi Dady-TMC Habari

Mkuu wa wilaya Temeke Mheshimiwa Sixtus Mapunda leo Novemba 16,2023 amehudhuria mahafali ya tatu katika chuo Cha Padre Pio kilichopo kata ya Buza wilayani Temeke na kuonesha kufurahishwa na mafunzo kwa watoa huduma majumbani (Domestic workers training) yanayotolewa na Chuo hicho.

Akizungumza katika hafla hiyo Mhe. Mapunda amekipongeza Chuo hicho kwa kutoa mafunzo hayo yanayolenga kuokoa maisha ya watu wanaopata changamoto mbalimbali majumbani.

"Kwa namna ya pekee nitumie nafasi hii kuwapongeza sana chuo hiki cha Mtakatifu Pio kwa ubunifu mkubwa, mmekuja na mpango maalumu wa mafunzo ya watoa huduma majumbani ambao utasaidia sana Jamii yetu katika kukabiliana na changamoto zinazojitokeza katika makazi yetu".Alisema Mkuu huyo wa Wilaya

Vilevile Mhe.Mapunda amekipongeza Chuo hicho kwa utunzaji wa Mazingira na kuyafanya kuwa tulivu na rafiki kwa ajili ya kusomea na kuwasisitiza kuendelea kuyatunza.

Aidha Mkuu huyo wa wilaya ametumia nafasi hiyo kutembelea miundombinu chuoni hapo na kupewa Elimu juu ya ugonjwa wa Shinikizo la damu na jinsi ya kuepukana na tatizo hilo.

Sherehe hizo zimehudhuriwa na viongozi mbalimbali akiwemo Mkurugenzi wa hospitali ya Temeke Dkt.Joseph kimaro, viongozi wa dini, wawakilishi wa benki ya CRDB, Mwenyekiti wa Bodi ya Chuo na pamoja na wageni waalikwa.