DIWANI WA KATA YA KEKO AIPIGA TAFU ELIMU MSINGI TEMEKE

Posted on: May 26th, 2025

Diwani wa Kata ya Keko Mhe.Jasdeep Singh Babhra leo Mei 26, 2025 amekabidhi Masanduku 50 ya Chaki kwa Mkurugenzi wa Manispaa ya Temeke ikiwa ni moja ya jitihada ya kuwezesha Wanafunzi wa Shule ya Msingi katika Manispaa hii wanaendelea kupata Elimu Bora.

Akizungumza mbele ya Kaimu Mkurugenzi Ndg. Mkana Mkana na Afisa Elimu Msingi Ndg. Mshana Kawia, Mhe. Jasdeep amesema

"Tunafahamu kazi kubwa imefanyika Kwa ajili ya wanafunzi wetu wa shule ya msingi wakati tunaingia madarakani 2020 Hali haikuwa hivi ila sasa hivi Hali imebadilika kwani ufaulu wa taaluma umekuwa mkubwa Tunafanya vizuri .Pia tunahamasika na jitihada na serikali yetu kama Mimi binafsi shule yangu ya keko tunajenga jengo la tehama ambalo litajumuisha kompyuta na kamera".

Kwa upande wake Kaimu Mkurugenzi wa Manispaa ya Temeke amemshukuru Mhe. Jasdeep na kusema kuwa hii itakwenda kusaidia kwa shule ambazo zina uhaba wa chaki.

"Tunapenda kushukuru Kwa jitihada zako za kuweza kutafuta wadau ambao wanasaidia kuendeleza gurudumu hili la elimu, jitihada zako hizi katika kuhakikisha elimu ya Temeke inakwenda mbele umeonesha jitihada kubwa kuleta hizi chaki Kwani wanafunzi wetu watasoma Kwa wakati na kuweza kufanya vizuri katika masomo yao." Alisema Mkana Mkana .

Naye Afisa Elimu Msingi Manispaa ya Temeke ametoa wito Kwa Viongozi na wadau wenye nia kama Mhe. Diwani kuendelea kuwezesha shughuli za ufudishaji katika shule za Msingi Manispaa ya Temeke.