DKT MFAUME AKAGUA HOSPITALI YA MBAGALA RANGITATU

Posted on: May 8th, 2025

Ni Siku ya pili ya Ziara ya Mkurugenzi wa Idara ya Afya, lishe na Ustawi wa Jamii OR- TAMISEMI Dkt. Rashid Mfaume ambapo leo Mei 08, 2025 amefika katika Hospitali ya Mbagala Rangi tatu kukagua Mradi wa Ujenzi wa Jengo jipya la ghorofa sita pamoja na utoaji wa huduma stahiki kwa Wananchi.

Dkt. Mfaume akiwa hospitalini hapo amesisitiza ubora wa huduma ikiwemo uimarishaji wa Miundombinu.

Aidha amesisitiza Ukamilishaji wa Jengo hilo kwa wakati ili lianze kutoa huduma sambamba na kuvijengea uwezo Vituo vipya na vilivyoongezewa Majengo ili kupanua wigo wa utoaji huduma.

Halkadhalika Dkt. Mfaume amekagua Kituo cha afya Toangoma chenye Jengo la Wagonjwa wa nje (OPD), Wodi ya Wazazi, Chumba cha Upasuaji na Maabara ambapo majengo hayo yote yamekamilika na yameanza kutoa huduma kwa wananchi wa Toangoma na maeneo ya jirani.