Kamati ya fedha na uongozi ya Manispaa ya temeke yafanya ziara kukagua miradi ya maendeleo.

Posted on: October 16th, 2018

Kamati ya fedha na uongozi ya Manispaa ya temeke imefanya ziara na kukagua miradi ya maendeleo inayotekelezwa kwa lengo la kushauri na kutoa maelekezo yatakayo saidia kuimarisha utekelezaji wa miradi hiyo kwa wakati na iweze kuleta tija kwa jamii.

Kamati  iliweza kutembelea mradi wa maji katika kata ya mbagala kuu mtaa wa kizuiani ambapo ujenzi unaendelea,sambamba na hilo kutakuwa na ujenzi wa mradi wa usambazaji maji katika eneo la mbuyuni kata ya Azimio.

Pia walipata wasaha wa kutembelea ujenzi wa soko la Makangarawe litakalokuwa na ghorofa moja pamoja na majengo ya pembeni yatakayojengwa maduka,mabucha na ofisi za soko hilo litakalokuwa na uwezo wa kuchukua wafanyabiashara 290.

Vilevile kamati ilijionea ujenzi wa kitui cha afya Buza ambapo ujenzi ukikamilika utakiwezesha kuwa kituo cha afya cha kawaid pamoja na huduma ya mama na mtoto, huduma ya mionzi pamoja na yakulaza wagonjwa.

Kamati ilifanikiwa kutembelea na kukagua shule mpya ya msingi kata ya Kilungule ambapo ujenzi wa vyumba 14 vya madarasa na matundu ya vyoo yanaendelea,kwa upande wa shule ya msingi  Mgeninani ujenzi  wa vyumba 3 vya madarasa unaendelea ambapo shule hio inauhitaji wa vyumba 14 pamoja na matundu 6 ya vyoo.

Ziara hiyo ilikamilishwa kwa kutembelea barabara ya Chang’ombe yenye urefu wa km18 ambapo kamati imemtaka mkandarasi mwenye dhamana ya ujenzi huo kuhakikisha inakamilika kwa wakati kabla msimu wa mvua haujaanza.

Kamati ilishukuru watendaji kwa namna wanavyojitahidi kuhakikisha fedha zilizotengwa katika miradi zinatumika kikamilifu ili kuleta maendeleo kwa wananchi.