Kamati ya fedha na uongozi yajikita Jijini Tanga kujifunza mbinu za kuongeza mapato

Posted on: October 25th, 2018

Kamati ya Fedha na uongozi ya Manispaa ya Temeke imefanya ziara katika Jiji la Tanga katika harakati za kujifunza mbinu mpya za kuibua vyanzo vipya vya mapato sambamba na ukusanywaji wa mapato.

Katika ziara hiyo iliyoongozwa na Mstahiki Meya wa Manispaa Mh.Abdallah Chaurembo pamoja na waheshimiwa madiwani na wataalam wa Manispaa, kamati ilipata wasaa wa kufundishwa na kujionea  mbinu mpya mbalimbali za ukusanyaji wa mapato ambazo zikitumika vizuri zitakuwa chachu kwa Manispaa ya Temeke.

Sambamba na hilo kamati ilipata nafasi ya kutambulishwa kwa baadhi ya waheshimiwa Madiwani wa JIji la Tanga, pamoja na wataalam wake ambao kwa pamoja  walishukuru namna ambavyo Halmashauri zinafanya bidii na kuhakikisha wanakuwa na uibuaji wake ili kuhakikisha mapato yanaongezeka.

Kamati ilipata fursa ya kujionea  namna ambavyo Halmashauri ya Jiji la Tanga ilivyobuni mradi wa ufwatuaji matofali ambayo umeisaidia  Halmashauri kupata fedha toka katika mradi huo.

Pamoja na hilo kamati ilijionea duka la dawa la jamii ambalo limekuwa  chanzo  kizuri cha mapatoya Jiji hilo.

Vilevile wataalam walibadilishana uzoefu kwa njia ya majadiliano, na kuahidi kufanyia kazi yote walijionea na kujifunza, ili kuhakikisha vyanzo vya mapato vinavyokusanywa moja kwa moja na Halmashauri, vinasimamiwa ipasavyo ili kuepusha mianya na ubadhirifu wa fedha za wananchi.

Ziara hii ni mwendelezo wa ziara za kikazi zenye lengo chanya katika ukuzaji na kuibua namna mbalimbali za kuiwezesha Manispaa ya Temeke kuongeza mapato.