MANISPAA YA TEMEKE YAJIPANGA KUFANYA UTAFITI WA AINA YA VISAIDIZA NA VIDHIBITI JUU YA KUZALIWA KWA WATOTO WENYE UZITO PUNGUFU

Posted on: May 20th, 2025

Na: Joanita Joseph, TMC Habari

Halmashauri ya Manispaa ya Temeke imekuwa ikitekeleza Mkataba wa lishe kwa kuangalia viashiria mbalimbali kwa ufasaha na kufikia Alama ya Kijani, Serikali ya Jamhuri ya Muungano wa Tanzania chini yake Dkt. Samia Suluhu Hassan imeendelea kufanya jitihada za Uboreshaji wa Miundombinu na Utoaji wa Huduma za Afya hapa Nchini. Hata hivyo pamoja na hayo yote lakini bado Kiashiria cha Watoto wanaozaliwa na Uzito pungufu kimekuwa changamoto katika Manispaa hii kwa kubaki na Alama nyekundu.

Hivyo basi kwa kuzingatia hilo Manispaa ya Temeke kupitia Divisheni ya Afya, Ustawi wa Jamii na Lishe imejipanga kufanya Utafiti juu ya Visababishi vinavyopelekea Wakinamama kujifungua Watoto wenye Uzito pungufu ndani ya Manispaa hii, na leo Mei 20, 2025 Timu ya Wataalam imekutana kujadiliana kwa pamoja jinsi ya kufanikisha Utafiti huo ikiwemo Mbinu na Namna Ukusanyaji wa Taarifa kwa kuzingatia Malengo ya Utafiti ili kupata Matokeo sahihi.

Bi. Happy Nkunda ambaye ni Mwanzilishi wa Utafiti huo (A Case - Control study) amesema

" Research hii ni yetu sote ikilenga kuchukua taarifa katika Vituo vya Afya kwa Wakinamama wanaojifungua watoto wenye uzito pungufu na kuja na mapendekezo sahihi yatakayosaidia kuandaa mikakati maalum ya Kitaifa juu ya uboreshaji wa Afya ya Mama na mtoto ili kupunguza au kuondokana kabisa na tatizo hili"

Wapelelezi Wakuu katika Utafiti huu (Principal Investigators) ni Dkt. Jonas Lulandala Mganga Mkuu wa Manispaa, Dkt. Philip Lambo Mtaalamu wa Epidemiologia, Dkt. Elias Bukundi Mhadhiri Msaidizi Chuo Kikuu cha Muhimbili na Bi. Happy Nkunda Afisa lishe Manispaa ya Temeke.

Miongoni mwa Vituo vitakavyotumika kukusanyia taarifa ni pamoja na Buza, Mbagala Rangi tatu, Mbagala Roundtable, Yombo Vituka, Maji Matitu na Hospitali ya Rufaa ya Mkoa wa Temeke.