MKURUGENZI MABELYA ASHIRIKI MAFUNZO NCHINI JAPAN

Posted on: November 28th, 2023

Nissan Stadium, Yokohama -Japan.

Uwekezaji kwenye Miundombinu ya Michezo, uendelezaji na uibuaji wa vipaji ni maswala yanayoenda sambamba na ukuzaji wa Tasnia ya Michezo.

Manispaa Ya Temeke tunaendelea kumshukuru Mh.Rais wa Jamhuri ya Muungano wa Tanzania Dkt. Samia Suluhu Hassan kwa Uwekezaji, Hamasa na Msukumo mkubwa anaouweka katika kuhakikisha Diplomasia ya Michezo na hasa Mchezo wa Soka unafanya Vizuri na unawapatia Vijana Ajira pamoja nakuitangaza Nchi yetu Kimataifa.

Na uthibishso wa hilo ni kufuzu kwa Timu yetu ya Taifa ya Mpira wa Miguu kushiriki mashindano ya AFCON yatakayofanyika Mwaka 2026.

Tarehe 26 November 2023 nilipata bahati yakufika nakujionea Uwanja maarufu Nchini Japan na Duniani uwanja wa Kimataifa wa Nissan Stadium (International Stadium Yokohama) ambao ulitumika kwa Mechi za Kundi la Tatu la Fainali za Kombe la Dunia Mwaka 2002 na Mechi Mashuhuri ya Fainali ya kombe hilo Kati ya Brazil na Ujerumani tarehe 30 June 2002 ambapo watazamaji elfu sitini na Tisa na ishirini na Tisa (69,029) walishuhudia Mechi hiyo ambapo Brazil ilishinda Goli 2 kwa Sifuri dhidi ya Ujerumani ( Brazil 2-Germany 0) Magoli yaliyofungwa na Ronaldo Dakika ya 67’ na 79’ ambae ndiye alikuwa Mchezaji Nyota wa Mchezo huo , Kapteni wa Timu akiwa Marcos Evangelista de Morais almaarufu kama Cafu na Kocha wa kikosi hicho akiwa Luiz Felipe Scolari.

Refarii wa Mchezo huo alikuwa Pierluigi Collina kutoka Italia.

Nimejionea utunzaji Mzuri wa kumbukumbu pamoja na vifaa zikiwemo Jezi Halisi zilizotumika siku ya Mechi hiyo ndani ya Chumba cha Mapumziko walichotumia Team ya Brazil kabla na baada ya Mechi hiyo.

Kivutio kikubwa ilikuwa nikuona Maandishi ya Maelekezo (Mbinu ya Mchezo huo) aliyokuwa akiandika ubaoni Kocha Luiz Filipe Scolari kuilekeza Timu nini cha kufanya Kabla ya Mechi na kipindi cha Mapumziko.

Manispaa ya Temeke tutaendelea kusimamia nakuweka msukumo katika Michezo na kuibua vipaji vya Mpira wa miguu na Michezo mingine na Burudani kama vile Mpira wa Kikapu, Netiboli , Mchezo wa Ngumi na Muziki.

Vilevile tutawaenzi wanamichezo kutoka Manispaa yetu kwakuweka nakutunza Kumbukumbu zao ili kusaidia kizazi kipya cha wanamichezo kujifunza Mazuri waliyofanya.