MKURUGENZI MABELYA ATEMBELEA KUKAGUA ZOEZI LA SENSA

Posted on: August 26th, 2022

Mkurugenzi wa manispaa ya Temeke ndugu Elihuruma Mabelya leo Agosti 26,2022 ametembelea baadhi ya maeneno katika Manispaa hiyo kukagua maendeleo ya zoezi la Sensa.

Akiwa kata ya Kijichi mkurugenzi Elihuruma alifanikiwa kuongea na baadhi ya maafisa wa Sensa aliowakuta kwenye maeneo yao ya kazi na kuwapongeza kwa kazi nzuri huku akiwasisitiza kuendelea kufanya kazi hiyo kwa weledi.

"Kikubwa niwapongeze tu kwa kazi nzuri na mfanye kazi kwa bidii ili kumsaidia Mhe.Rais mama Samia Suluhu Hassan katika kuiletea nchi maendeleo".Alisema.

Bwana Timothy mkazi wa Mgeninani ameeleza kufurahishwa kwake na ziara hiyo ya Mkurugenzi na kueleza kuwa zoezi hilo ni muhimu sana kwa Taifa na kuwashauri wengine kuunga mkono juhudi za Serikali.

Zoezi la Sensa limeingia siku ya nne leo toka lilipoanza rasmi Agosti 23,2022 ambapo makarani wa Sensa bado wanaendelea kupita maeneo ambayo hayajafikiwa.