MSAADA WA KISHERIA WA MAMA SAMIA UPO KIKATIBA-DKT NDUMBARO

Posted on: June 16th, 2025

Waziri wa Katiba na Sheria Dkt. Damas Ndumbaro amezungumza na hadhara na kutoa salam za Wizara ya Katiba na Sheria katika Uzinduzi wa Kampeni ya Msaada wa kisheria ya Mama Samia (MSLAC)

“Msaada wa kisheria wa mama Samia una msingi wa kikatiba hasa ibara ya 13. Lakini pia jambo hili lina msingi wa Ilani ya chama cha mapinduzi inayosisitiza Wananchi wapate msaada wa kisheria na ufahamu wa sheria. Lakini pia msingi mwingine ni maelekezo ya Mhe Rais alipotutaka tuandae mpango wa kutoa msaada kwa wananchi wenye uhitaji na tukaja na kampeni hii ambayo mpaka sasa imewafikia wananchi wengi sana kufikia leo. Mhe. Mgeni rasmi mambo haya yamefanyika nchi nzima tumepita katika mikoa yote 31 ya Tanzania bara pamoja na Tanzania Zanzibar kutoa msaada na elimu ya kisheria.

Kauli mbiu “ *msaada wa kisheria kwa haki amani usawa na maendeleo*

Tumetekeleza haya kwa vitendo na tumetumia falsafa ya Mhe. rais ya 4R. Tumeelimisha watu kuwa wastahimilivu wanapopata changamoto za kisheria. Tumekwenda mpaka kwenyw magereza na kutoa msaada kwa wafungwa 28 elfu na tutaomba leo ukabidhi vifaa vya tehama ikiwemo TV Inch 65, camera, printer na vinginevyo ili kupunguza gharama  za usafiri.

Tumeshirikiana na wadau na mashirika mbalimbali kama UN, WOMEN, GIZ,  aida, wadau wa ndani iliwemo LSF, benki ya CRDB na NMB , vyuo vikuu mbalimbali .

Elimu itakayotolewa hapa leo itakugusa maeneo ya haki za binadamu, migogoro ya ndoa, mirathi na mambo mengine mbalimbali. Wataalam wa sheria waliolipiwa kila kitu na mama samia watatoa msaada katika maeneo yote ya mkoa wa dsm hivyo wananchi msisumbuke kwenda mbali utapata haki uelewa na kuondoa upotofu uliopo kwenye jamii katika sheria

Tumejipanga kutoa elimu na kueleza mabadiliko 15 yaliyofanywa kwa ushirikiano wa wadau wote muhimu ili tuweze kwenda kwenye uchaguzi mkuu Oktoba 2025” Amesema Dkt. Ndumbaro.