wafanyabiashara wa Manispaa ya Temeke wasaini mikataba mipya

Posted on: October 3rd, 2018

Mstahiki Meya wa Manispaa ya Temeke Mh.Abdalah Chaurembo, amesaini mkataba na wafanyabiashara 189 ndani ya ukumbi wa Idd Nyundo uliopo Manispaa ya Temeke.

Hafla hiyo ilitanguliwa na utiaji saini,ambapo Mstahiki Meya aliwataka wafanyabiashara  kutunza mikataba yao ili kuepuka usumbufu na mianya ya ubadhirifu wa fedha za Halmashauri.

“katika mikataba hii tuliosaini leo itatuwezesha kupangisha na kupata fedha kiasi cha shilingi milioni 204,504,000/= kwa mwaka, ambapo vibanda 197 vilitangazwa na kati ya hivyo vibanda 189 vimepata wapangaji”Alisema.

Pamoja na hayo Mh.Mstahiki Meya aliwakumbusha wafanyabiasha hao kuwa mapato yanakusanywa kwa juhudi zote ili kutekeleza agizo la Mh Rais la kuzitaka kila Halmashauri zihakikishe zinakusanya mapato sambamba na usimamizi wa fedha za umma kwa maendeleo zaidi.

“ninatishwa ila nitasimama imara ili kuitetetea nchi yangu na Manispaa kwa ujumla,kwakua najua nasimamia haki ya wananchi wangu, hizi fedha tutazielekeza katika shule ili zitusaidie katika uboreshaji wa majengo na ikibidi kujenga majengo mapya pamoja na thamani zake”alisisitiza.

Nae Bi Khadija khatibu ambaye ni mfanyabiashara amesema “Nimefurahishwa sana na mikataba hii kwakuwa mwanzoni tulikuwa tunalipa kwa watu wasio rasmi na kupelekea mapato ya Halmashauri kushuka,lakini sasa tuna uhakika fedha zetu zinaenda mahali salama kwaajili ya ustawi wa Manispaa yetu”

Sambamba na hilo mpangaji hataruhusiwa kufanya biashara ya bar,biashara ya mziki,kufanya biashara yoyote inayoweza kuleta kelele, uchafuzi wa mazingira au biashara yoyote ambayo italeta usumbufu kwa wadau wa shule ,jamii na watu wengine wanaozunguka maduka hayo.