WANACHAMA WA MFUKO WA FARAJA TEMEKE WAFANYA MKUTANO MKUU WA MWAKA

Posted on: July 24th, 2024

Na:Shalua Mpanda

Wawakilishi wa Mfuko wa kusaidiana wa watumishi wa manispaa ya Temeke(Mfuko wa Faraja) wamekutana leo Julai 24,2024 katika mkutano mkuu wa mwaka wa Mfuko huo.

Akisoma taarifa ya utekelezaji, Katibu wa Mfuko wa Faraja ndugu Shaban Sagin amesema katika kipindi cha Julai 2023 hadi Juni 2024,Mfuko huo umefanikiwa kuongeza wananchama kutoka 1,719 hadi kufikia 2,510 ambayo ni sawa na ongezeko la 46%.

Aidha amesema kwa kipindi hicho Mfuko umeweza kuhudumia wananchama 119 ambao kati ya hao wananchama 103 walifiwa au kufariki,wananchama 4 walipata majanga mbalimbali na 12 waliagwa kwa mujibu wa Katiba.

Mgeni rasmi katika mkutano huo Kaimu Mkurugenzi wa manispaa ya Temeke ndugu Joshua Mwaipyana amesema kuna umuhimu wa kuongeza bidii katika kuwapata wanachama wapya ambao watajiunga na Mfuko huo.

"Kutokana na umuhimu wa Mfuko huu nashauri uwekwe utaratibu wa kila mtumishi kuingia kwenye mfuko huu ili utakapokua uweze kutoa hata mikopo kwa wananchama".Alishauri Kaimu Mkurugenzi huyo.

Mfuko huo ambao umetimiza mwaka mmoja sasa ulianzishwa ukiwa na lengo moja la kusaidiana katika mambo mbalimbali ikiwemo vifo na majanga mbalimbali.