WAZAZI TEMEKE WAFURAHISHWA NA UTOAJI WA CHAKULA KWA WANAFUNZI SHULENI

Posted on: March 20th, 2023

Na:Shalua Mpanda-TMC Habari.

Katika kuhakikisha wanafunzi wanasoma kwenye mazingira tulivu na kuongeza ufaulu,baadhi ya shule katika manispaa ya temeke kwa kushirikiana na wazazi wameanzisha zoezi la utoaji wa chakula shuleni.

Zoezi hilo ambalo lmefanyika shule ya msingi Annex iliyopo Kizuiani katika kuadhimisha siku ya lishe Machi 20,2023,limekuwa na muitikio mkubwa kutoka kwa wazazi huku baadhi yao wakieleza umuhimu wa kutoa chakula kwa wanfunzi wawapo shuleni.

Bwana Abdulhaman Mtupa mkazi wa Kizuiani amesema mpango huo shirikishi utakaowezesha watoto kuwa na utulivu wa akili na kufikiria zaidi masomo.

Diwani wa kata ya Mbagala mheshimiwa Michael Makwega ameomba ushirikiano kwa wazazi ili kuhakikisha zoezi hilo linakuwa endelevu ili kuboresha afya ya watoto na kusaidia kuongeza ufaulu.

"Mtoto anapokuwa ameshiba inamuwezesha kupata utulivu wa akili awapo darasani na kuweza kufuatilia masomo yake tofauti na awapo na njaa".Alisema Diwani huyo.